Chantal Akerman, (Brusela 1950 – Paris 2015) zinema esperimental eta feminista europarraren aitzindaria. New York Times egunkariak Jeanne Dielman, 23 quai du Commerce, 1080 Bruxelles filma (1975) goretsi zuen, «zinemaren historian feminismoaren lehen obra bikain» modura aitortuz; semearekin bizi ahal izateko bere burua prostituitzera behartu behar duen etxeko andre eraginkor baten errutinen une intimistak lantzen ditu filmak. 2023an zinemaren historiako filmik onena bezala aukeratu du Sight & Sound aldizkariak, British Film Institute erakundeak 10 urterik behin argitaratzen duena.