Agnès Varda (Brusela 1928 – Paris 2019) bere belaunaldiko emakume zuzendari bakanetakoa izan zen. Argazkilaria, artista, zinemagilea eta Uhin berria mugimenduko (Nouvelle Vague) aitzindaria izan zen. Sortzaile librea eta modernoa izan zen, ingurune politiko eta sozialarekin konprometitua. «Agnès Varda. Argazkiak atera, filmatu, birziklatu» erakusketak izpiritu ireki eta bidaiaria islatzen du. Kritikaren arabera, Les Glaneurs et la Glaneuse (gaztelaniaz Los espigadores y la espigadora, 2000) edota Visages Villages (gaztelaniaz Caras y lugares, 2017) obrak, besteak beste, genero eta testigantza historikoaren obra bikain txikiak dira.