Hilaren 23an, lau LABen lehen jardunaldiaren aurretik, prentsaurrekoa antolatu dugu PARABOLIKAK hedabideei aurkezteko. Lehen azaldu dugun bezala, PARABOLIKAKen funtsean bertan dago proiektuan gertatuko denaren zabalkundea, eta hedabideek funtsezko zeregina dute horretan.

Prentsaurrekoan El Correo, Bizkaia Irratia, RNE eta Cadena Ser eta Radio Euskadi/Euskadi Irratiko profesionalak izan dira.

PARABOLIKAK aurkezten Itxaso Paya eta Maite Esparza (LABeko partaideen ordezkariak), Ana Urgoiti (KARRASKANeko lehendakaria), Begoña Ibarra (Bizkaiko Foru Aldundiko Kulturako zuzendari nagusia, BFA), Leixuri Arrizabalaga (BFAko kultura, euskara eta kirol diputatua) eta Rosa Abal (KARRASKANeko gerentea eta proiektuaren koordinatzailea) zeuden mahaian.

Aurkezpen honetan Erika Palacios, Elisa L. Ramírez eta María Ramirez Luengo LABeko partaideak ere izan dira (parte-hartzaile guztiak ezagutu nahi badituzu, post honetan aurkezten genituen). Parte-hartzaile guztiak ezin izan dira egon, baina taldeko argazki batean izan ditugu.

Eskerrak eman nahi dizkiegu guztiei eta hedabideei etortzeagatik eta Azkuna Zentroari espazioa lagatzeagatik.

Azpian uzten dizkizuegu prentsaurrekoaren argazki batzuk.

Zuen interesekoa bada, hemen sar zaitezkete prentsa-oharrera, eta informazio gehiago nahi baduzue, bi aukera dituzue:

• Aintzane Zorrilla Pérez PARABOLIKAK prentsa-arduradunarekin harremanetan jarri (prentsa-oharrean haren harremanetarako datuak aurkituko dituzue).
• Harpidetu zaitezte gure Newsletterrera proiektuaren bilakaerari buruzko informazioa helarazteko.
• Sare sozialetan partekatzen dugun jarduera #PARABOLIKAK traolarekin jarraitzea.