“Batzuetan ez gara jabetzen sortzen ditugun gauzek duten botereaz. Duela egun gutxi nire abesti baten letra ikusi nuen manifestazio bateko pankarta batean. “

— La Basu, 2024ko azaroaren 26a, LAB 3ko elkarrizketa batean.

La Basuren komentario horrek gure aulki-zirkuluan durundi egin zuen, elkarri begira, elkarri entzuten eta elkarrekin eraikitzen jarraitzen dugun espazio honetan. Argi dago gure sorkuntzek arlo pertsonala gainditu eta eraldaketa kolektiborako tresna bihur daitezkeela. 

PARABOLIKAKeko hirugarren LAB hau mobilizatzeko, eragiteko, informatzeko eta, zergatik ez, aldaketaren bat sortzeko eraiki ditzakegun tresna horiei buruz hausnartzeko gonbita izan da.

Lanaren zati bat aurreko laborategietan sortutako edukiei atzera begira jarri dugu. Irudiak berrikusteak, testuak berrirakurtzeak eta jorratutako ideiak eta gaiak errepasatzeak elkarrekin egindako aurrerapenen aitorpen pozgarria eman digu. Orain arte egindako bidea esanguratsua eta ikasketaz betea izan da.

Gure lana egituratzen duten hiru ardatzak — edo “aingurak”, Anek (Tipi gara) esaten duen bezala —, alegia, botere-sistemak, estetika eta ikusezina, gure eztabaidak eta ekintzak gidatzen jarraitzen dute. Hirugarren LAB honetan, prototipoak sortzeko urrats bat eman dugu, geratzen zaigun denboran gauzatu daitezkeen proposamen zehatzak garatuz. Gure helburua PARABOLIKAKen etorkizuneko belaunaldientzako ondare sendo eta esanguratsua uztea da.

Bertha Bermudez, saioaren dinamizatzailea

Eta aurreko lerroetan aipatutakoaren harira, zer beharko dugu ondare hori sortzeko?

• Mikroak eta kaskoak dituen irrati-kabina bat,
• grabagailuak,
• edizio-programak dituzten ordenagailuak (soinua eta irudia),
• telefono bat,
• tablet bat.
• eskaner eta inprimagailu bat,
• kartoi meheak,
• bata zuri bat,
• fonendoskopio bat,
• gillotina bat.
• Eta pilak.

Mikroak eta kaskoak dituen irrati-kabina bat, grabagailuak, edizio-programak dituzten ordenagailuak (soinua eta irudia), telefono bat, tablet bat. Eskaner eta inprimagailu bat, kartoi meheak, bata zuri bat, fonendoskopio bat, gillotina bat. Eta pilak.

Erabaki dugu espazioa soinuaren bidez okupatuko dugula, pentsatu eta praktikatuko dugula, eta meta-bideoa ere landuko dugula. Hau da, podcast bat sortuko dugu, bideoak grabatuko ditugu kalean, performance batera animatuko gara eta karta-joko bat sortuko dugu. Astia badugu.

Azken saio honetan osatu ditugun 3 taldetan banatuko dugu lana. Badakigu zein lan egingo dugun elkarrekin, zertan, zerekin eta nola. Plana, badugu. Orain inprobisatzea besterik ez da geratzen… eta legatzea!

Hemen dituzue Saro Pachonen Graphic Recording eta LABen argazki batzuk: